Севинч ва ғам ҳақида мақоллар

Азага борган хотин
Ўз дардини айтиб йиғлар.

Бир йиғининг бир кулгуси бор.

Бошимни бош десам,
Оёғимда нима ғам.

Гадо нон топса, тўрва топмас.

Дард томирни ер,
Ҳасрат — умрни.

Дард устига чипқон.

Деворни нам йиқитар,
Одамни — ғам.

Ёмғирдан ўт-ўлан ўсар,
Қўшиқдан — кўнгил.

Жаҳл билан қартаясан,
Кулги билан яшарасан.

Жон бор жойда қазо бор.

Жони борнинг ғами бор.

Занг темирни кемирар,
Ғам — одамни.

Иссиқ чўпни қуритар,
Қайғу эрни қаритар.

Минг қайғу бир иш битирмас.

Моли кўпнинг — ғами кўп.

Мушукнинг ўлими — сичқонга тўй.

Одам одам билан,
Одам адо ғам билан.

Одам одам билан,
Писта бодом билан.

Ота-онанинг доғи — оз-моз,
Фарзанд доғи тинч қўймас.

Оғримаган қулоққа — олтин сирға.

Оғриқсиз бош бош эмас.

Оҳ тортмасанг, соч оқармас.

Саёҳат танга роҳат,
Тан эмас, жонга роҳат.

Суйган ҳам қўшиқчи,
Куйган ҳам қўшиқчи.

Туғилиш тўлғоқсиз бўлмас.
Юраги тўлганнинг — йиғиси кўп.

Ўйласанг, қайғу кўп,
Ўйламасанг, қайғу йўқ.

Ўйнаб-кулгин йигитдек,
Сиқилмагин чигитдек.

Ўлимдан аччиқ нарса йўқ,
Шодликдан ортиқ бойлик йўқ.

Ўтда ёнган куяр,
Ғамда ёнган ўлар.

Қайғу битар, шодлик ўтар.

Қайғу келтирар шодликдан
Ёмғир келтирар момақалдироқ яхши.

Қайғу — умр эгови.

Қайғу қаритар, ғам ўлдирар.

Қайғули бошга қор ёғар.

Қайғуни кўз ёши юволмас.

Қайғусиз қора сувга семирар.

Қари-ёш қайғусиз бўлмас.

Қўрққандан қувонган ёмон.

Ғам ема, беғам ҳам бўлма.

Ғам юки тоғдан оғир.

Ғамсиз ошим — даъвосиз бошим.

Ғаш кўнгилга кенг уй ҳам тор.

Ҳамдарди бор дард — ярим дард.

Ҳар кечанинг кундузи,
Ҳар кундузнинг кечаси бор.

Ҳар ким ўз гўрига йиғлар.

Ҳар куннинг ўз тонги бор.

Ҳар нарсага ғам ема,
Парча нонни кам ема.