Хитой мақоллари
• Дарахт қанчалик юксак бўлса-да, барибир япроқлари ерга тўкилади.
• Бошқаларга таъна қилгандек ўзингга таъна қил, ўзингни кечирганинг каби бошқаларни кечир.
• Муваффақиятсизлик инсонга кўп нарсаларни ўргатади.
• Бир онлик ғазабингизни боссанг, юз кун ҳотиржам яшайсан.
• Тоғларга чиқмаган, узоқларни кўролмас.
• Бирон нарса сотиб олсанг қулоқ билан эмас, кўз билан иш тут.

Немис мақоллари
• Йиқилмоқ айб эмас, йиқилиб қолмоқ айб.
• Кўзлар ўзларига, қулоқлар бошқаларга ишонадилар.
• Қадаҳ ичига денгизга ғарқ бўлганлардан кўп киши ғарқ бўлади.

Америка мақоллари
• Олтин олов билан, аёл олтин билан, эркак аёл билан имтиҳон қилинади.
• Бирлашиш бошланишдир, бирликка эришиш тараққиётдир, бирликда ишлаш муваффақиятдир.
• Жасур одамнинг боқиши қўрқоқнинг қиличидан кўпроқ душманни титратади.
• Қийинчилик сени қийнагунча, сен қийинчиликни қийна.

Араб мақоллари
• Айбига иқрор бўлганни авф эт.
• Йигит урушда, дўст дардда, комил инсон ғазаби келганда маълум бўлади.

Албан мақоли
• Қарз бераркансан, ё пулни, ё дўстни йўқотасан.

Австралия мақоли
• Ишқ билан аксириш ҳеч қачон яширилмайди.

Бельгия мақоли
• Ҳақиқий севги айрилиқда унутилмас.

Боливия мақоли
• Севиш камон чалиш кабидир, билмаган ёмон куйлар чиқаради.

Болгар мақоллари
• Кўкдаги юлдузларни эмас, ердаги сурувларни кўпроқ сана.
• Кулар юз олтин калитга ўхшайди.

Дания мақоллари
• Кичик балиқ ўлгунга қадар катта балиқ бўлишни умид қилади.
• Кар эр билан кўр хотин бахтли жуфт бўлади.
• Ваъдалар мамлакатида инсон очликдан ўлади.

Ҳинд мақоллари
• Бошқалардан устун бўлишимиз муҳим эмас. Асл муҳим бўлган нарса, кечаги ҳолимиздан устунлигимиздир.
• Дўстингизни тез-тез зиёрат этинг, чунки устида юрилмаган йўллар тикан ва буталар билан қопланади.
• Қувватига ишониб заифларни хор қилганнинг қуввати бошига бало бўлади.

Голландия мақоллари
• Бир марта уйланиш вазифа, иккинчи марта уйланиш кўнгил очиш, учинчиси азобдир.
• Бир умр эшакка минишдан бир йил отга миниш яхшидир.
• Ётоққа ётиш билан муаммолар кийимда қолади.

Ирландия мақоли
• Одам энг кўп севгилисини, энг яхши шаклда оиласини, энг узун муддат онасини севади.

Испан мақоли
• Ит билан ётган бурга билан уйғонади.

Шотланд мақоли
• Инсонлар яшаб қаридик дейдилар, ҳолбуки яшамасдан қарийдилар.

Швед мақоллари
• Ёшнинг гўзал юзи бор, қарининг гўзал руҳи бор.
• Эски севги зангламайди.

Итальян мақоллари
• Тинглашдан ақл, гапиришдан пушаймонлик туғилади.
• Буюк дардлар сассиздир.

Ямайка мақоли
• Кичик фойдалар бойлик келтиради.

Япон мақоллари
• Биринчи рафиқани сенга худо, иккинчисини инсонлар, учинчисини шайтон жўнатади.
• Кўр бир тиланчи ҳам гулларнинг ҳидини сезади.
• Уч марта кўчиш бир янгига бадалдир.

Канада мақоли
• Апрел ёмғири май гулини очирар.

Кения мақоли
• Бир ёлғон қанчалик тезкор бўлса бўлсин, ҳақиқат уни ортда қолдиради.

Колумбия мақоли
• Эски ишқлар ёниб, сўнган кўмир каби ғоят тез олов олади.

Конго мақоли
• Аёл соя кабидир. Ўзини таъқиб этгандан қочади, ундан кетганнинг орқасидан чопади.

Венгер мақоли
• Тутқунлик тугаган жойда бахтиёрлик бошланади.

Миср мақоли
• Ишқнинг дарди узум каби тотлидир.

Мўғул мақоли
• Инсонни таши билан кутиб олинади, ичи билан кузатилади.

Нигер мақоллари
• Кичик ғамлар гапирадилар, катта дардлар тилсиздир.
• Уйингда ҳаловат бўлишни истасанг, оилангни бутун қил.

Перу мақоли
• Эркак ёшини яшириб, аёл эса яширмай қўйган пайтда қаришни бошлайди.

Румин мақоли
• Кимдир сизни бир марта алдаса айб унда. Иккинчи марта алдансангиз, айб сиздадир.

Рус мақоллари
• Инсонни кийимига қараб кутиб оладилар, билимига қараб ҳурмат қиладилар.
• Тулки тушида товуқ кўраркан.

Чили мақоли
• Гўзаллик табиатнинг аёлларга берган илк ҳадяси, айни пайтда қайтариб олган илк нарсасидир.

Тайланд мақоли
• Уйланиш бир қалъа кабидир. Ташқаридагилар унга кириш учун, ичкаридагилар ундан чиқиш учун уринадилар.

Тибет мақоли
• Қанчалик оз юксакда учсанг, тушганингда шу қадар оз ранжийсан.

Венесуэла мақоллари
• Аёллар кулгилари келганда куладилар, лекин истаган пайтда йиғлай оладилар.
• Бахт ҳамманинг ҳаётида бир марта бўлади.

Югослав мақоли
• Бир шаклда туғилиб, минг бир шаклда ўламиз.

Юнон мақоллари
• Оч қолмаган инсон ноннинг қадрини билмас.
• Жаҳаннамга олиб борадиган йўлда юриш осондир.
• Бировнинг ҳақи ейилса ҳам, ҳазм бўлмайди.
• Ҳамир қилишни ҳоҳламаган беш кун ун элармиш.
• Оқ соч ақлнинг эмас, қариликнинг ишорасидир.

Давронбек ТОЖИАЛИЕВ таржимаси.