Muhtaram she’riyat shaydolari!
Xalqimiz o‘zligini anglab olish uchun intilayotgan, ma’naviyatimizning shu paytgacha pinhon qolgan sahifalarini varaqlashga jazm qilgan bugungi kunda qo‘hna aruz vazniga qiziqishning kuchaygani tabiiy bir holdir. Sevimli shoirimiz Erkin Vohidovning aruz vaznida bitilgan g‘azallari qaysi she’rxonning dil to‘ridan joy olmagan deysiz? Nashriyotimiz Sizning kutubxonangizga sevimli shoirimizning el orasida shuhrat topgan g‘azallaridan tartib berilgan ushbu mo‘jaz majmuasini tortiq qilmoqda.

Muhammad Yusufning she’rlarida ona yurt mehri, bolalikni sog‘inish tuyg‘usi, Yer dardi jo‘shib turadi. Shoir gohi «tomda, qizgaldoqlar yonida», gohi «ariq bo‘yida, yalpizga suyanib» dunyo ila muloqotga kirishadi. O‘zbekona soddaligi, tantiligi, samimiyati bilan o‘ziga rom etuvchi bir ajib oydinlik to‘kilib turgan bu sehr olamiga bir bora doxil bo‘lgan kishi uni uzoq vaqt unutolmaydi.
Muhtaram she’rxon!
Shoiriing qo‘shiq bo‘lib ketgan she’rlaridan tartib berilgan ushbu mo‘jaz to‘plam Sizning-da ko‘nglingizga ezgu lahzalar baxsh etadi deb ishonamiz.

Farg‘onani O‘zbekistonning bog‘i deb aytishadi. Bu bejiz emas, albatta. Bu yurt maftunkor tabiati bilangina emas, iste’dodlarga boyligi bilan ham shuhrat topgan.
El tanigan shoir Yo‘ldosh Sulaymonning she’rlarida go‘zal Farg‘ona nafasi ufurib turadi. Chunki shoir shu yurt farzandi. U qaysi mavzuda qalam tebratmasin, vatanga muhabbat tuyg‘usi qalbiga qanot beradi. Shoirniig eng sara she’rlaridan tuzilgan ushbu kitobcha Siz, aziz, she’rxonlarga ham ajoyib lahzalar baxsh etadi, deb umid qilamiz.

Usmon Azim uyg‘onish faslining otashin kuychisi desak xato qilmaymiz, Uning ilk she’rlariyoq Haq va Adl yo‘llariga sadoqat ifodasi edi. Ana shu sadoqat tuyg‘usi, kuyunchak ko‘ngil uning she’rlarining ruhiy iqlimini vujudga keltiradi. Ushbu mo‘jaz majmuaga shoirning turli davrlarda yozilgan eng sara she’rlari kiritildi.

Haqiqat yuz bir parda ichida bo‘lsa ham, u olmosday o‘tkir, qilichday keskir, olovdan-da kuchlidir. Shoir ro‘yo bilan yuzma-yuz gaplashar ekan, ko‘ngil tubidagi so‘z javohirlarini armug‘on etadi. Armug‘oni muxlislarga, she’r shandolariga atalgan Jonibek Subhonning yangi kitobi teran mushohadalar, sinchil kuzatunlar, dilbar tuyg‘ulardan iborat. Inshoolloh, shoir aytganlari sizga zavqu shavq. baxsh etgay.

Shoir Qadam Sayid Murodning navbatdagi «Na gunohim bor mani» kitobi mashhur xonandalar Otajon Xudoyshukurov, Nuriddin Hamroqulov, Kamoliddin Rahimov, Ortiq Otajonov, Oxunjon Madaliyev, Yulduz Abdullayeva, Sultonposhsha Udayevalar ijro etgan qo‘shiqlardan va yangi she’rlardan tarkib topgan.
Bu kitobga kirgan she’rlar ishq-muhabbatni ulug‘lash, ona-Vatanga sadokat ruhida yozilgan.